Gündəliyim®

Gündəliyin Nəbzini Tut

Cavabını Axtardığım Suallarım….

Posted by gundeliyim on 28 June 2007

Naib Ələkbərov

naib16@yahoo.co.uk

“İşlər belə getsə, belə getməsin!
Getsə bu gedişi durduracağam, Bütün Azərbaycan oğullarını Öz kişi bətnimdən doğuracağam!!!”

Xəlil Rza Ulutürk

Mən bu gün sizə bir az suallar verəcəyəm. Suallarım mənim cavabını axtardığım və tapa bilmədiyim suallardandırlar. Cavabını tapa bilən olsa, xahiş edırəm, mənə də bildirsin. Bəzi suallarımı mən əvvəllər bir çox yerdə soruşmuşdum. Ancaq cavab ala bilmədiyimdən təkrar soruşmaq ehtiyyacı hiss etdim. Xülasə, giriş hissəsini uzun tutmadan keçək mətləbə.

1-ci sual: Bir ölkə düşünün. Tarixi mənbələrə əsasən, bu ölkənin 20-ci əsrin əvvəllərində Azərbaycan Türkləri demişkən ərazisi 114.000 km2 olub. Bunu mən demirəm, tarixi mənbələr deyirlər. 20-ci əsrin ortalarında olan hadisələrdən bu ölkədə yaşayan xalqın xəbəri olmayıb və 20-ci əsrin sonlarına gəlindiyində xalq bir də ayılıb görüb ki, cəmi cümlətanı 86,6 min km2 ərazisi qalıb. 20-ci əsrin sonlarında isə bu ölkənin ərazisinin 17 faizini təkrar əlindən alıblar. Sadə bir hesablama ilə bu ölkənin ərazisi indi təxminən 70.000 km2 qalıb. İndi mənim sizdən soruşmaq istədiyim bunlardır: Kim deyə bilər rəhmətlik M. Ə. Sabir demişkən “bu xalq əslafına həqiqi xələf olduğu üçün” Rəhmətlik Xəlil Rza Ulutürk demiş “İşlər belə getsə və də bu gedişi durduracaq kimsə olmadığı üçün”;
a) bu ölkənin 21-ci əsrin sonlarında nə qədər ərazisi olacaqdır?
b) Ya 22-ci əsrə girərkən bu ölkənin ərazisinin nə qədər olacağını deyə biləcək olan var?
c) Çox demirəm, məsələn üc əsr sonra bu ölkədən bir əsər əlamət qalacaq?

Keçək ikinci sualımıza. Bu ölkənin hələ ki var olan ərazisi təxminən 70.000 km2. Bu ölkənin əhalisi də təxminən 8,5 milyon nəfərdir. Bir sual üçün bu qədər məlumat bəsdi. Sualım belədir: Bu ölkənin ərazisinin ən azı 90 faizi ən çoxu 10 faizinin ixtiyarına
verilibsə:
a) Bu ölkənin ən çoxu 10 faizi olan bu hissəsi bu ölkənin ən az nə qədərini şəxsi mülkiyyətləri kimi istifadə edirlər?
b) Bu ölkənin ən azı 90 faiz olan əhalisi bu ölkənin ən çox neçə faiz torpaqlarından istifadə edə bilir?
c) Məhəmmədhüseyn kişinin (ALLAH sənə rəhmət eləsin Mirzə Cəlil) damından su axan kiçik bir daxmasından başqa heç bir şeyi yoxsa, ancaq bu ölkənin 90 faizini şəxsi mülkiyyəti kimi istifadə edən o 10 faizdən olan lotu Məmmədin Anadolu türkləri demiş “itləri, arabaları, yatları, qatları, atları, xülasə hər şeyi” varsa, Məhəmmədhüseyn kişinin sahib olduğu var dövlətlə lotu Məmmədin sahib olduğu var dövlət arasinda neçə dəfə fərq var?

3-cü sual. Bu sualım son zamanlarda Azərbaycanda baş vermiş bizim bir çoxumuzun heç də vecinə olmayan hadisələrlə əlaqədardır. Biz Həsən Bəy Zərdabini nəyə görə maarifçi, alim və Azərbaycanın ən əhəmiyyətli tarixi şəxslərindən biri kimi dəyərləndiririk? Bir çox fəaliyyətinə görə, Azərbaycanda ilk qəzet olan “Əkinçi” qəzetini dərc etdiyinə görə. Bu məlumat qalsin indilik bir tərəfdə. Keçən dəfə çoxumuzun vecinə olmayan bir hadisə baş verdi və Azərbaycan’da qəzetlər bağlandi. Indi sizə mənim suallarım belədir:
a)”Əkinçi” qəzetini dərc etdirdiyi və xalqın maariflənməsi üçün əhəmiyyətli fəaliyyətləri olan Həsən Bəy Zərdabi’yə biz 130 il sonra “maarifçi, alim, böyük şəxsiyyət” deyirik. Mənə deyə bilərsiniz ki ,bu gün qəzetləri bağlayan bizi 130 il sonra necə xatırlayacaqlar?
b) Əgər Əkinçi qəzeti bizin maariflənməmizə xidmətləri olmuşdursa ki, olmuşdur (burada hər hansı şübhə yaradacaq heç bir şey yoxdur), sizcə qəzetlərin bağlanmasının bizə necə təsiri olacaqdır?

Suallarım hələlik bu qədər. Bilənlərdən xahiş edirəm cavablarını həm qrupa, həm də mənə göndərsinlər.

(Suallarım qurtarmadı)

2 Responses to “Cavabını Axtardığım Suallarım….”

  1. klip said

    Aziz kardeşim,
    Sitemde Azerbaycan diye bir bölüm açmak istiyorum.
    beni blog kardeşliğine dahil eder ve bazı müziklerin bulunmasında yardım ederseniz sevinirim.
    size emin amanlık diliyorum.
    yazınızı dil kodlamasından dolayı okuyamadığım için yorum yapamayacım.
    selamet kalın..

  2. esselamu aleykum ve rahmetullah ve berakatu
    aziz sıddık kardaşlarım.

    ben türkiye’den bir müslüman kardaşınızım.hepinize çok selam ediyorum.biz musluman azeri kardaşlarımızı çok seviyoruz.

    eskiden olduğu gibi islam dininin kurallarına uyup imanımızı tekmil edeceğiz.ve aleme hakikat dersini vereceğiz.azeri ve anadolu türkü kürt ve arapla acemle hintle javayla el ele verecek bütün aleme üstad olacak.

    senim bu üç sualinin cevabını bilmiyorum.amma bende de bir dördüncü sual var.

    bence esas sorulması gereken sual de bu olsa gerek.

    biz kimiz?bu dünyada vazifemiz nedir?

    baki selamlar…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: