Yadplanetlilərin sirri açılacaqmı?

Əziz Mustafa

Son yüz ildə Yer kürəsində müşahidə edilən uçan naməlum obyektlərin (UNO) sayının artması çoxlu müxtəlif ehtimalların ortaya çıxmasına səbəb olub. Alimlərin əksəriyyətinin fikrincə, UNO-ların yerdə diqqətlərini cəlb edən hansısa bir sirr var. Bu sirrin müəyyən edilməsi üçün tədqiqatçılar hazırda daha çox qədim mənbələrə müraciət edirlər. Çünki qədim yazılı mənbələrdə UNO-ların müntəzəm Yer kürəsinə uçuşlar etmələri və odsaçan disklərin qəribə sakinləri barədə xeyli məlumatlar var. Məsələn, qədim hind yazılı abidələrdən olan “Veda” və “Puranax”da yerdəki insanlara oxşamayan qəribə məxluqların “Viman” adlanan “uçan nəlbəki”lərdə tez-tez indiki Hindistanın müxtəlif ərazilərinə endikləri qeyd edilib. Hər iki abidədə təsvir olunana görə, yadplanetlilərin gəmisi hazırda kosmosa göndərilənlərə çox oxşayır. Ancaq təsvir edilən alovsaçan gəmilər, indikilərdən fərqli olaraq, istənilən vaxt, bir an içərisində, havada əriyərək ağ tüstüyə çevrilə biliblər. Yadplanetlilərin insanlarla hər hansı bir əlaqəyə girməməsi isə qədim hind yazılı mənbələrində onların öz sirlərini açmaq istəməmələri ilə əlaqələndirilir. Yazılı mənbələrə istinadən demək olar ki, qədim hind alimləri kosmos haqqında geniş məlumata malik olublar. Onlar hesab etmişlər ki, başqa planetdən yerə gələnlər burada özlərinin yaşaması üçün lazım olan hansısa elementi və ya həyat eliksiri əldə edərək geri qayıdırlar. Nə qədər qəribə olsa da, qədim hind alimlərinin təximinən 3-4 min il bundan əvvəl söylədikləri ilə günümüzdəki tədqiqatçıların dedikləri çox vaxt üst-üstə düşür.

Qədim yazılı abidələr və Blomberqin söylədikləri
Kosmosun tədqiqi üzrə tanınmış amerikalı alim Corc Blomberq bu yaxınlarda demişdir: “Mən heç vaxt yerdənkənar sivilizasiyaların olmaması barədə deyilən fikirlərlə razılaşmamışam. Yerdənkənar sivilizasiyaların olmasını inkar edənləri mən ancaq orta əsrlərdə Avropa, Afrika və Asiyadan başqa, digər qitələrin olmasını inkar edənlərlə müqayisə edərdim. Hazırda kosmosda bizə bənzər və ya bizdən fərqli yüksək inkişaf etmiş şüurlu varlıq axtarmağımız Kolumbun sonu bilinməyən okean sularında quru yer axtarmasına bənzəyir. Kolumb istədiyinə nail olduğu kimi, biz də məqsədimizə çatacağıq. Amma nə vaxt? Bu suala cavab, mənə elə gəlir ki, lap qəfil, gözlənilmədən veriləcək”. Blomberqin fikrincə, Yer kürəsinin özündə belə, bizə məlum olmayan paralel sivilizasiya mövcuddur və onlar başqa bir zaman ölçüsündə yaşadıqları üçün biz həmin varlıqları görə, hiss edə bilmirik. Çox qəribədir ki, “Veda” və “Puranax”da da buna oxşar fikirlər vardır. Bu qədim yazılı abidələrdə həmçinin, Yerin yumurtaya bənzədiyi qeyd edilib və kosmosun insan yaşaması üçün lazımi şəraitə malik 14 planetdən ibarət olması barədə fikirlər öz əksini tapıb. Qədim hind alimlərinin fikrincə, həmin 14 planetdən yeddisində həyat ən yüksək səviyyədə inkişaf edib. Yeddisində isə həyat orta və aşağı səviyyələrdədir. Yer yüksək inkişafa nail olan planetlərlə az inkişaf edənlər arasında orta mövqedədir. “Veda” və “Puranax”da ən yüksək inkişaf səviyyəsinə nail olan planet “Satyaloka” adlandırılır. Bildirildiyinə görə, onlarda həyat ideal şəkildə qurulub. “Maxarloka” adlanan digər planetdə isə inkişaf səviyyəsi Satyalokadan aşağıdır. Amma onlar da bizim təsəvvür edə bilmədiyimiz səviyyədə inkişaf ediblər. Belə ki, “Veda”da həmin planetdə yaşayanların istənilən an formalarını dəyişə bilmələrindən və onların bədənlərini ustalıqla idarə etmələrindən bəhs edilib.
Məsələnin bu tərəfinə diqqəti cəlb edən Blomberq çoxları üçün gözlənilməz olan qəribə bir ehtimal irəli sürüb. O deyib ki, bizim bioloqlarımız və tibb alimlərimiz insanın daxilində onun formasını dəyişməyə və bir formadan digərinə keçməyə imkan verən geni tapmalıdırlar. Yalnız bu halda digər kosmik canlılarla əlaqə yaratmaq asanlaşacaq. Blomberq eyni zamanda UNO-ların bizə məlum olmayan paralel sivilizasiyalardan gələ bildiyini də istisna etməyib. O, UNO-ların bir formadan digər formaya keçə bilmələrini, istənilən an havada buxarlanmalarını məhz bir zaman ölçüsündən digər zaman ölçüsünə keçmənin sirrini bilmələri və bədənlərini idarə etməyi bacarmaları ilə əlaqələndirir.

Stounun maraqlı açıqlamaları
Maraq doğuran digər bir açıqlama ilə ingilis tədqiqatçısı Robert Stoun çıxış edib. O, uzun axtarışlardan sonra bu nəticəyə gəlib ki, bəşəriyyət yeni elmi kəşflərin bir addımlığındadır. Onun fikrincə, yaxın vaxtlarda ən uzaq planetlərə uçub getməyə imkan verən yeni kosmik gəmi hazırlanacaq. Alim bu gəminin məhz kosmosdan gələnlərin gəmisinə bənzəyə biləcəyini də istisna etməyib. Stoun belə hesab edir ki, günümüzdə sürətli elmi-texniki inkişaf yaxın zamanlarda kosmosa gedən yolun qapılarını üzümüzə açmağa və planetlərarası səyahətə çıxmağa imkan verəcək. O, vaxtilə bəzi planetlərdə həyatın olmasını və sonradan onların hansısa səbəblərdən məhv olduğunu iddia edir. Alimin fikrincə, vaxtilə Mars və Venerada yerdəkinə bənzər həyat olub və ancaq elmi-texniki inkişaf həmin planetlərdə həyatı məhv edib. O, belə hesab edir ki, başqa planetlərdən gələnlər Yerin təbii inkişafına mane olmaq istəmir və sadəcə olaraq, planetimizdə baş verənləri nəzarət altında saxlamaqla kifayətlənirlər. Stoun Yerdə vaxtilə uzaq planetlərə uçub getməyi bacaran sivilizasiyanın olduğunu da istisna etmədiyini söyləyir. O, qədim yazılı mənbələrin hamısında insanların bir planetdən digərinə uçub getməsini təsdiqləyən faktların olduğuna da diqqəti cəlb edib. Stoun: “Onu da deyim ki, qədim insanların kosmos haqqında bizi heyrətləndirən məlumatlara və təsəvvürlərə malik olmasını təsadüfi hesab etmək olmaz. Bu biliklərin hamısı yüksək sivilizasiyaların mövcud olmasının nəticəsidir. Amma bu sivilizasiyaların müəmmalı şəkildə məhvi də təsadüfi olmayıb. Mənə elə gəlir ki, Yer kürəsi sivilizasiyası vaxtilə kosmos üçün vacib sayılan hansısa prinsiplərdən kənara çıxıb və ona görə də onlar digər planetlərdən gələnlər tərəfindən cəzalandırılıblar. Biz bu gün qədim sivilizasiyaların əldə etdiyi yüksək inkişafı təkrarlamağa yaxınıq. Amma bu sivilizasiya nisbətən fərqli olacaq və istəsə də, istəməsə də kosmik qanunlara tabe olmalı olacaq.”
Həm Blomberq, həm də Stoun digər planetlərdən gələnlərin Yerin bizə məlum olmayan hansısa sirrindən istifadə etdikləri qənaətindədirlər. Hər iki alimin fikrincə, ola bilsin ki, hazırda yerdəki canlıların bir qismindən hansısa planetin məskunlaşdırılması üçün istifadə edilir. Onu da deyək ki, UNO-larla bağlı baş verən hadisələri tədqiq edən alimlərin hamısı yerə bir neçə planetdən kosmik gəmilərin gəldiyi qənaətindədirlər. Belə bir fikir də vurğulanır ki, kosmosdan gələnlər o vaxt insanlarla əlaqəyə girəcəklər ki, yerdəkilər nəinki yüksək inkişaf səviyyəsinə çatsınlar, həm də mənəvi cəhətdən kamil insanlara çevrilsinlər. Beləliklə, bu gün insan oğlu yeni bir inkişaf mərhələsinin astanasında dayanıb və ola bilsin ki, indi bizə fantastika kimi görünən şeylər sabah reallığa çevrilsin. Əgər bu gün insan oğlu min kilometrlər uzaqlarda baş verən hadisələri canlı şəkildə televizordan izləyə bilirsə, onda nə üçün bizim istənilən saatda digər planetlərə uça bilməyimiz mümkün olmasın?

 

Rüşvətxor ölkə

Azərbaycanda insanlar anadan olduqları gündən ölənə qədər rüşvət verir.

Ölkəmiz daha bir beynəlxalq korrupsiya indeksinde acınacaqlı yerdə qərarlaşıb. Bu dəfə ABŞ-ın nüfuzlu «Global Integrity» Təşkilatı özünün illik «Global Integrity Index» (Qlobal Düzgünlük Indeksi) adlı hesabatında Azərbaycanda baş verən kütləvi korrupsiya hallarını ifşa edib. «Global Integrity Index» ictimai şəffaflığı təmin edən antikorrupsiya
mexanizmlərinin mövcudluğunu və nə dərəcədə effektiv olduğunu araşdırır. Həmin indeksi 290-dan artıq indekatorları müəyyənləşdirir. Göstericileri 6 esas kateqoriya, 23 köməkçi kateqoriya üzre tesnifləşdirilir. Ölkələrdəki araşdırmaçılar tərəfindən hazırlanaraq, xarici ekspertlər tərəfindən dəqiq yoxlanılan göstəricilər, nəinki qanunların, korrupsiyanın kökünü kəsmək məqsədilə yaradılan institutların mövcudluğunu araşdırır, o cümlədən, onların hansı səviyyədə işlədiyini adi vetendaşların bu mexanizmlerden istifade edib-etmediyini üzə çıxarır.

Azərbaycan «Zəif reytinq» kateqoriyasında
«Global Integrity Index»de ölkeler, topladıqları ballara göre, müxtelif qruplara bölünür.
Maraqlıdır ki, «Çox güclü reytinq» kateqoriyasında heç bir ölkenin adı yoxdur. Bu
kateqoriyaya düşmək üçün 90-dan artıq bal toplamaq gərəkdir. Hesabata ise Israil, Rumıniya, Cənubi Afrika ve ABŞ başçılıq edir. 80 baldan yuxarı qiymetlendirilen bu ölkələr, müvafiq olaraq, «Güclü reytinq» kateqoriyasına aid edilir. «Orta reytinq»ə malik olan ölkeler 70 baldan çox toplamalıdır. Bu sırada Argentina, Benin, Braziliya, Gürcüstan, Nigeriya, Uqanda ve bir sıra başqa ölkeler cemleşib. 60-dan yuxarı bal toplamış Qırğızıstan, Mozambik, Nikaraqua, Rusiya, Pakistan, Seneqal ve Zimbabve kimi ölkeler «Zəif reytinq» kateqoriyasında sıralanıb. Azerbaycan ise, yenə de ən son – «Çox zəif reytinq» kateqoriyasında yer alıb. Bu sırada Konqo, Misir, Livan, Sudan, Tacikistan, Vyetnam ve Yemen kimi ölkeler de var. Yeri gelmişkən, Ermənistan da 60 baldan yuxarı göstericiye malik ölkelerin sıralandığı bu kateqoriyada yer tutur. Qeyd etdiyimiz kimi, indeks 6 göstericiye nezeren hazırlanıb. Birinci gösterici müxtelif ölkelerde vetendaş cemiyyeti ve metbuatın veziyyetine esaslanır. Bu baxımdan, Azerbaycan 69 balla «Zeif reytinq» kateqoriyasında yer alıb. Ermenistan da eyni kateqoriyada olsa da, Gürcüstan «Orta reytinq»e malikdir. Ikinci gösterici seçkilerle bağlıdır. Burada da Azerbaycan «Zeif reytinq»e malikdir. Hətta Nigeriya ve Uqanda kimi ölkeler de seçkiye göre Azerbaycanı geride qoyur. Ölkemiz en zeif balı «Hökumetin cavabdehliyi» göstericisine göre alıb. Azerbaycan hökumetinin cavabdehliyi 100 ballıq şkala üzre 44 balla qiymetlendirilib.
Gürcüstan 78, Nigeriya 70, Uqanda 76, Qırğızıstan 64, Ermenistan ise 46 bal toplayaraq, Azerbaycanı geridə qoyub. «Mülki ve inzibati xidmet» göstericisine göre ise ölkemiz 44 balla qiymetlendirilib. Yene de bir çox ölkələr Azərbaycanı çox-çox geride qoyub. Yalnız «Nezaret ve tenzimleme» göstericisine görə, «Orta reytinq» kateqoriyasında yer ala bilmişik. Sonuncu, «Antikorrupsiya ve qanunun aliliyi» göstericisine göre, Azerbaycan «Zeif reytinq»li ölkelerden biridir. Beləliklə, ümumi qruplaşmalara göre, Azerbaycan «Global Integrity» Teşkilatından «zeif» bal alır.

«Azərbaycanda ölünü basdırmaq üçün də rüşvət verməlisen»
Qeyd etdiyimiz kimi, hesabat konkret faktlara esaslanır. Misal üçün, hesabat müəllifləri 26 yaşlı genc azerbaycanlının ölümüne sebeb olmuş avtomobil qezası ile bağlı acınacaqlı bir hadiseni hesabata daxil edibler. Hemin gencin bacısı bildirib ki, qezadan derhal sonra sürücünün yaxınları iddianı geri götürmek üçün zererçekmişin ailesine kompensasiya teklif edib: «Biz bunu redd etdik, amma mehkeme yekunda qerara aldı ki, guya menim qardaşım özünü maşının altına atmaqla intihar edib ve beləliklə, onu öldürən şəxs cezadan yaxa qurtardı. Sonradan öyrəndik ki, sürücünün qohumları müstentiqe ve hakime 20 min dollar verib».
Hesabatda deyilir ki, Azerbaycan 1991-ci ilde müsteqillik qazanarken, gencler ölkenin geleceyinin rifahlı olacağına böyük ümid besleyib:«Amma heç kim ölkenin müsteqilliyinin ilk 15 ilinde üzleşeceyi bu qeder çetinliyi tesevvürüne bele getirmeyib. Bu gün insanlar anadan olduqları günden öldükleri güne qeder rüşvetle qarşı-qarşıya qalıblar.
Baxmayaraq ki, resmi şekilde sehiyye sistemi pulsuzdur, reallıqda klinikadan ve hekimin reputasiyasından asılı olaraq, bir uşağın doğulması 264-440 (300-500 dollar) manata başa gelir. Her hansı birinin heyatının ilk ve son anlarına dair senedleri pulsuz elde etmek mümkün deyil. Doğum senedlerine dair resmi ödenişlere əlavə olaraq, qohumlar 10 dollar «hörmet» etmelidir. Bundan daha beteri odur ki, Azerbaycanda ölünü basdırmaq üçün de rüşvet ödemelisen. Bu mebleğ, hetta 3 min dollara qeder ola biler».
Hesabatda da qeyd edildiyi kimi, Azerbaycan nüfuzlu «Transparency International» Teşkilatı Korrupsiyanı Qavrama Indeksine esasen, 146 ölke içerisinde 137-cidir. «Global Integrity» Teşkilatının ekspertlerinin hesablamalarına göre, Azerbaycanda illik korrupsiya dövriyyesinin hecmi bir neçe milyard dollardır. Ekspertler bunu daha da konkretleşdirerek, hemin mebleğin Azerbaycanın 2006-cı ildeki 4 milyard dollarlıq
büdcesine yaxın olduğunu bildirirler: «Bu yaramazlıqlar ölke ehalisini bataqlıqda yaşamağa mecbur edir: Azerbaycanda orta aylıq gelir 131 manatdır (148,5 dollar). Bu məbləğ Bakıda 174 manat, ucqarlarda ise 87 manatadek ola biler ve Azerbaycan ehalisinin 29 faizinin gündelik geliri 2 manatdan aşağıdır. Azerbaycandakı en yeni korrupsiyanın esas sebeblerinden biri hakimiyyetin düzgün bölüşdürülmemesidir.
Bu avtoritar ölkede icra hakimiyyeti hegemonluq edir. Parlamentarların ve mehkeme hakimiyyetinin korrupsiyaya qarşı direniş imkanlarının azlığı çıxılmaz veziyyet yaradıb».

«Istənilən məhkəmə işini, 10 minlərlə dollar pul verib, udmaq olar»
«Global Integrity» hesabatında deyilir ki, Azerbaycan mehkemelerinde her şey satılır: «Hebs müddetinin azaldılması, texminen, 2 min dollara başa gelir. 2005-ci ilde mehkumu vaxtından evvel azadlığa buraxan Ali Mehkemenin hakimlerinden biri öz işini itirmedi. Ancaq Edliyye Nazirliyinin 3 resmisi bu meseleye göre mesuliyyete celb olundu. Istenilen hüquqşünas size deye biler ki, cinayet işinin ağırlığından ve mübahiseli emlakın deyerinden asılı olaraq, istenilen mehkeme işini, 10 minlerle dollar pul verib, udmaq olar. Misal üçün, yol neqliyyat qezaları ile bağlı tehqiqat işini min dollara dayandırmaq mümkündür. Cinayet işini bağlamaq 2500-4000 dollar, mehkemede ehemiyyetli sübutun üzerinden keçmek ise 50 min dollaradek başa gelir». Ekspertler azerbaycanlıların korrupsiyanı qebul etdiyini bildirir: «Bütün dünya öyrenmek üçün pul ödediyi halda, Azerbaycanda pul ödeyirler ki, tehsilsiz qalsınlar. Universitetlerde qiymetler qalxır. Universitetin ve ya fakültenin populyarlığından asılı olaraq, imtahandan keçmek ve ya yaxşı qiymet almaq telebeye 25-300 dollara başa gelir. Danışmaqla vaxtını itirmek istemeyen bezi professorların öz telebelerine «qiymet siyahısı» teqdim etdiyi çoxuna melumdur. Hetta çox hazırlıqlı telebeler bele, bezen növbeti kursa keçmek üçün rüşvet ödemeli olurlar».
Hesabat müellifleri «Dalğa» Gencler Herekatının 2005-ci ilde 5 min telebe arasında keçirdiyi sorğuya istinad edib, rüşvetin telebelerin en böyük problemi olduğunu esaslandırırlar. Teşkilat Azerbaycanda en çox korrupsiyalaşmış universitetlerin siyahısını teqdim edir. Yekun neticeye esasen, 70 universitetden, yalnız 4-de rüşvet yoxdur.
«Dalğa» Gencler Herekatının sedri Ramin Hacılı bildirib ki, onlar keçirdikleri «rüşvetsiz tehsil» kampaniyası çerçivesinde rüşvetxor professor ve müellimleri onların adını ictimaiyyete açıqlayacaqları ile tehdid edirler. Amma kampaniya bir sıra gözlenilmez neqativ neticeler verib. Bezi universitetlerde professorlar risqin çoxaldığını nezere alaraq, qiymetleri qaldırıblar. O ki qaldı rəsmi qaydada korrupsiyaya qarşı aparılan mübarizeye, «Global Integrity» Teşkilatının ekspertleri de Korrupsiya ile Mübarize Komissiyasının 2 illik fealiyyeti dövründe ehemiyyetli bir iş görmediyini düşünür: «Komissiyanın qaldırdığı meselelerin çoxu siyasi motivli olub. Misal üçün, 2005-ci ilde müxalifet qüvvelerile emekdaşlıq edib, dövlet çevrilişi planlaşdırmaqda ittiham olunaraq hebs edilmiş keçmiş iqtisadi inkişaf naziri Ferhad Eliyev sonradan komissiya terefinden dövlete mexsus şirketleri qanunsuz olaraq özelleşdirmekde ittiham olundu».
Hesabata göre, Azerbaycanda en az şeffaflıq neft-qaz senayesine mexsusdur. ARDNŞ-nin yüksek vezife sahibleri en korrupsioner memurlar arasında yer alır. Bele ki, dövlet gelirlerinin 60 faizden çoxunu temin eden şirket müqavilelerde xerclerini 10 defe şişirdib. Misal üçün, Bakının istenilen mağazasında 20 qepiye satılan elektrik lampalarının ARDNŞ-nin senedlerindeki alış qiyməti 4 manat gösterilib».

«Rüşvət ödəməyənlər günahkar sayılır»
Ancaq çox təəssüf ki, günahkar yalnız hökumət yox, həm də özümüzük. Belə ki, Azerbaycanda keçirilen sorğulardan birine göre, ehalinin 59,9 faizi problemlerini tez hell etmek üçün rüşvet ödemekden memnundur. Ele hemin sorğuya göre, Azerbaycan əhalisinin 90 faizi ya rüşvet verir, ya da rüşvet alır. Herçend, rüşvətin eleyhine olanlar da var. «Global Integrity» Teşkilatının Azerbaycandakı müsahiblerinden biri de rüşvetin eleyhinedir: «Amma təzə doğulan uşağım üçün sənəd alanda 10 dollar verib, «təşəkkür» etməli oldum. Burada ümumi ab-hava paradoksaldır. Rüşvət ödəməyənlər günahkar sayılır. Izah etmək çətin olsa da, çox güman ki, bu, bizim mentalitetimizdən irəli gəlir».
Beləliklə, daha bir nüfuzlu beynəlxalq təşkilat Azərbaycanda kök salmış korrupsiyanı ifşa etdi. Özü də bu dəfə daha konkret faktlar araşdırıldığından, bu bəlanın ölkəmizdə nə dərəcədə iyrənc formada üzə çıxdığı aydın olur.
MALIK

Qondarma Talış-Muğan Respublikası

Azərbaycanı gözləyən gələcək təhlükə

Azərbaycanda bir çox az saylı xalqın(ləzgilər, yəhudilər, avarlar, tatlar, udinlər, və s.) olması hamımıza mə`lumdur. Heç bir millət fərqi qoyulmadan hamımız azərbaycanlı adlanırıq.

Talışlar da əsrlədir bir yerdə yaşadığımız, eyni süfrəyi paylaşdığımız, qohumluq əlaqələrimizin olduğu bu azsaylı millətlərdən biridir. Lakin yaxın tarixdən də bildiyimiz kimi, Qarabağ müharibəsindən və siyasi ağır şəraitdən istifadə edərək Azərbaycanın cənubunda 1993-cü ildə Talış-Muğan Respublikası qurma cəhdləri yəqin ki yadımızdan çıxmayıb.

Qondarma Talış-Muğan Respublikasının bayrağı

İndi də bu səpki də fəaliyyətlər həm Azərbaycanda, həm də digər xarici dövlətlərdə istər gizli, istərsə də açıq bir şəkildə davam edir. Talışların BMT-nin alt təşkilatı olan Təmsil Edilməyən Millətlər və Xalqlar Təşkilatına (UNPO) üzv olduğunu qeyd etmək istəyirik.Bizə verilən mə`lumatda bu təşkilata talışların üzv olmasına kürd və ermənilərin də dəstək verdiyi bildirilir. Əlikram Hümbətovun xaricdəki erməni diasporuyla yaxın əlaqəsi olduğunu, erməni soyqırımıyla bağlı abidəyə əklil qoyduğunu xatırlatmaq istəyirik.

Hal-hazırda Azərbaycanda da Əlikramı bir qəhrəman olaraq görənlər, portretini evindən asanlar, iki xalq arasına nifrət toxumları səpənlər var. Bu insanların məqsədləri isə birdir: Azərbaycanı bölmək… Onlar Azərbaycanda bir milyon, İranda beş milyon türkləşdirilmiş talışın yaşadığını iddia edərək hər iki dövlətə qarşı ərazi iddiaları qaldırırlar.

Milli Talış Hərəkatının bayrağı

UNPO-nun rəsmi saytında da Azərbaycan Dövlət Statistika Komitəsinin ölkədə 80 min talış yaşadığına dair mə`lumatın əksinə 800 min talışın olduğuna dair statistikaya yer verilib. Saytdaki digər mə`lumatda talışların 1919-cu ildə Muganian Sovet Respublikası qurduqları və bu respublikanın sadəcə 3 ay yaşadığı bildirilir. Təhrif olunmuş yazıların yer aldığı saytda Azərbaycan əleyhində xəbərlər də yayınlanır. Beynəlxalq bir təşkilatın saytında bu cür xəbərlərin yer alması, gələcək təhlükədən xəbər verir.

Təhlükənin nə qədər böyük olduğunu göstərmək üçün Hollandiyada yaşayan soydaşlarımızdan biri olan Zəfər bəyin bu barədə danışdıqlarına yer veririk:

“Burada Hollandiyada, Azərbaycandan gəlib sığınacaq istəyən həmvətənlilərimizin içində talışlar da az deyil və bunlardan biri ilə mən, qonşusu olan yəhudi tanışımın yanına qonaq gedəndə rastlaşıb tanış oldum. Məndən yaşca böyük idi,ordan burdan söhbət etdik, sonra ortaya çıxdı ki, ikimizdə eyni vaxtlarda 1992-ci ildə Qarabağda olmuşuq, və hətta ortaq tanışlarımız çıxdı. Ondan sonra hər dəfə yəhudi tanışımın yanına gələndə, ikisinə də baş çəkirdim, və yeni tanışım məni qarşılayanda mənimlə öpüşüb görüşürdü (mən özüm bu öpüşmə söhbətini heç sevmirəm), evinə dəvət edirdi, yalnız mən o vaxtlar subay olduğuma görə, hörmət mənasında, ailəsini rahatsız etməmək üçün, elə təmiz havada onunla oturub söhbət edirdim. Aradan bir neçə ay keçdi, və bir dəfəsində həmən o Yahudinin evində oturmuşduq, və biraz sərxoş olduğuna görə, o mənə ayıq olduğunda deməyəcəyi şeyləri deməyə başladı və dedi ki – Səndən bir şey soruşmaq istəyirəm, siz Azərbaycanda Talışların başına nə oyunlar açırsınız? İşkəncə, həbs, v.s. – Bunu eşidən mən çaş – baş qaldığıma görə cavabım – Ne ponyal? – şəklində oldu. O da gülərək davam etdi ki – Mən elə bilirdim ki, sizin işiniz ancaq ermənilərlədir, sən demə siz bütün regionun qanını içirsiniz, ha ha. – Təbii ki, mən ona bu söhbətləri haradan çıxarddiğını soruşdum, və sonunda öyrəndim ki, mənimlə öpüşüb görüşən, 185 cm boyunda 130 kilo ağırlığında, cəhbədə vuruşub yaralanan Talış dostum, sən demə əməlli başlı qonşuları arasında belə yönlü təbliğat aparırmış. Yəhudi davam etdi ki – Heç insanları seçə bilmirsən. Sən onunla öpüşüb görüşürsən, onu tərifləyib qəhrəman eləmisən yanımızda, o isə bunun tərsini eləyir, özü də tək mənim yanımda deyil, burada yaşayan Əfqanlıların, Kürdlərin, Hollandların və həmin ermənilərin də yanında, inanmırsan özlərinə soruş.O anda bilmədim nə deyim, yerin dibinə girmək istədim. Bir neçə ay sonra isə həmən o adamı başqa bir yığıncaqda görəndə ( o yığıncağa mən, Talış olmadığıma görə, dəvət edilməmişdim əslində), mən onun kimlərdən olduğunu anladım.”

Təbii ki, biz bütün talışların bu cür olduğunu iddia etmirik, sadəcə bu cür insanların da talış xalqının adına ləkə gətirdiyini bildiririk. İnanırıq ki, nə Azərbaycan dövləti, nə də mərdlikləriylə tanınmış talış xalqı heç bir qarşı-durmaya, bölünməyə izin verməyəcək.

Erməni Diasporu kimə xidmət edir?

Ermənistana yoxsa Amerikaya?

Ermənistan Təhlükəsizlik xidmətinin rəsmilərindən biri olan İgor Muradyanın son açıqlamaları, ABŞ-daki erməni diasporunun dəyişən missiyasından xəbər verməkdədir. Bu açıqlamalar, həmçinin Amerikanın Qafqazla bağlı yürütdüyü siyasəti istiqamətində, diaspordan istifadə edərək bölgədəki fəaliyyətlərini təxmin etməmizə kömək edir.
Siyasi təsirə malik erməni politoloqları arasında göstərilən İgor Muradyan, ABŞ-da fəaliyyət göstərən erməni lobbisinin hal-hazırda öz missiyasını tamamladığını, çünki diasporun artıq tam mənasıyla ABŞ-ın təsiri altına girdiyini açıqlaması, diaspor ilə rəsmi Yerevan arasında yaşanan çəkişməni gözlər önünə sərir.

Diaspordakı tanınmış şəxslərin Ermənistan administrasiyasına yuxarıdan baxdıqları, erməni siyasətçilərini şəristəsiz adlandırdıqlarını ifadə edən Muradyan, Ermənistan ilə diaspor arasında meydana gələn uçurumun gedərək dərinləşdiyinə işarət edir.

Ermenistanın prezidenti Robert Koçaryanın diasporun bəyəndiyi siyasətçi olmadığını qeyd edən Muradyan, diaspor rəsmilərinin bu günə qədər Ermenistan prezidentləriylə bir-başa telefon xətti olmasına baxmayaraq, Koçaryanın bu qaydanı pozduğunu bildirir. Muradyan, Rusya ilə yaxın əlaqələri olan Koçaryanın, buna görə diaspor rəsmiləri ilə bir başa görüşməkdən imtina etdiyini söyləyir. Yəni, ABŞ-daki erməni diasporuyla Koçaryan arasında bir başa əlaqənin olmamasının başlıca səbəbinin Rusiya olduğunu gizlətmir.

Rusiyanın son vaxtlarda ABŞ-ın Qafqazdakı respublikalarda və o cümlədən bölgədəki stratejik müttəfiqi olan Ermənistanda təsir gücünün artmasına erməni diasporunun da bilavasitə kömək etməsiylə bağlı öz narahatçılığını dilə gətirməsi heç də təəccüblü deyil.

ABŞ-dakı erməni diasporu ilə rəsmi Yerevan arasında son vaxtlar yaşanan problemlərin əsas səbəbinin, diasporun başqalarına (!) xidmət etməsinə bağlayan Muradyanın, “Amerikan-Erməni Assambleyasının 2001-ci ildə ‘Qatı Erməni Milliyətçiliyi ilə Mübarizə’ haqqında bir qərar çıxardığı ve bu qərarın Ermənistan ilə Dağlıq Qarabağın müstəqilliyini müdafiə edən vətənpərvər milliyətçilərə böyük zərbə vurduğuna” dair ifadələri isə xeyli diqqət çəkicidir…

Digər tərəfdən, Muradyanın “Amerikan-Erməni Assambleyasınn Ermənistan və Dağlıq Qarabağda ABŞ üçün casusluq etdiyinə” dair təsbiti, ABŞ-ın bölgəyə erməni diasporu vasitəsiylə tə`sir göstərməsindən narahat olan Rusiyanın bu məsələdə yanılmadığını ortaya qoyur.

İgor Muradyanın keçdiyimiz ilin dekabr ayının son həftəsində verdiyi açıqlamaya görə, hal-hazırda Ermənistanda altı və Dağlıq Qarabağda bir erməni vətəndaşı Assambleyaya, dolayı yolla desək CİA təhlükəsizlik servisinə işləyir. Bu ermənilərin assambleyaya göndərdikləri məlumatlarda Ermənistan ordusu, ölkənin hər an başlayacaq bir müharibəyə hazırlıq vəziyyəti, hərbi planlar, siyasi partiya liderlərinin xarici dövlətlərlə əlaqələri kimi bir sıra mühim məsələlər də öz əksini tapır.

Əsasən Ermənistan hərbi kəşfiyyatını maraqla izləyən assambleya təmsilçilərinin Dağlıq Qarabağa gedərək buradaki zabitlərlə görüşüb hərbi məsələlərlə bağlı ətraflı məlumat almaq istədiklərini ifadə edən Muradyan, bu cür fəaliyyətlərin başında ABŞ-ın Yerevan səfiri Con Evansın olduğunu irəli sürür.

ABŞ-a qarşı iddialarını davam etdirən Muradyan, 2005-ci ilin dekabr ayında ABŞ-da fəaliyyət göstərən Ermənistan Hərbi Nümayəndəsinin otağından iki dəfə sənəd oğurlandığını və bu hadisənin diaspor erməniləri tərəfindən ört-bas edildiyini, bu hadisələrdən sonra Ermənistan Silahlı ordusunun rəsmilərinin mövcud təhlükənin fərqinə vararaq rütbəli komandirlərə assambleya təmsilmilər ilə görüşməyi qadağan etdiyini söyləyir.
Muradyanın erməni diasporu ilə bağlı ittihamları isə sadəcə ABŞ ilə bağlı deyil. Muradyan, dövrümüzdəki kəşfiyyatın “etnik kəşfiyyat” təməlində şəkilləndiyini, artıq bir çox ölkənin, kəşfiyyat və təhlükəsizlik xidmətində etnik millətlərdən istifadə etdiyini bildirərək, əlavə edir: “Diaspordaki ermənilər, öz milli mentalitetlərini unudaraq yaşadıqları ölkələrdə asimiliyasiya olmaqda, bir çoxu yaşadıqları ölkənin kəşfiyyat orqanlarına işləməkdədirlər. Ermənilər inteqrasiya olmaq yerinə assimlyasiya olmuş vəziyyətdə yaşamaqda və bir dünya milləti olmağı bacara bilməməkdədirlər.”

Mədəniyyətlər qarşı-durması olmayacaq

BBC üçün 27 ölkədə keçirilən anketdə iştirak edənlərin 56 faizi , müsəlmanlarla Qərb dünyasının ortaq bir nöqtəyə gələ biləcəyini bildirib.

Qərb və Müsəlman ölkelerde keçirilən geniş miqyaslı ictimai araşdırma , dünya əhalisinin gələcəkdə bir mədəniyyətlər qarşı durması olacağını düşünmədiyini ortaya çıxardı.BBC ilə GlobeScan adlı ictimai araşdırma şirkəti və Maryland Üniversitetinin Beynəlxalq Siyasi Münasibətlər Proqramının (PIPA) əməkdaşlığı ilə keçirilən anketdə 27 ölkədən 28 min insan iştirak edib. Anketdə iştirak edənlərin sadəcə 29 faizi, İslamla qərb dünyası arasında güclü qarşı-durmanın olmasının qaçınılmaz olduğunu bildirib. PIPA direktoru Steven Kull, anketdə iştirak edən əksər çoxluğun (56 faiz) müsəlmanlar ilə qərb dünyası arasındaki fərqliliklərin ortaq məxrəcdə birləşdirilməsinə inanması, anket nəticəsinin ümid verici olduğunu söyləməyə əsas verdiyini ifadə edib. Bundan əlavə anketdən iştirak edənlərin 52 faizinin fikrincə, mədəniyyətlər arası gərginliyə maddi çıxar qarşı-durmaları və iqtidar uğrunda ki siyasi savaşlar səbəb olmaqdadır. İştirak edənlərin sadəcə 30 faizi, İslam ilə Qərb arasındaki gərginliyin qaynağının din olduğunu düşünür.

Anketin keçirildiyi ölkələrdən bəziləri bunlardır: ABŞ, İngiltərə, Fransa, Almaniya, Rusiya, Çin, Hindistan, Braziliya, Meksika, Avstraliya, Türkiyə, Misir, Birləşmiş Ərəb Əmirlikləri, İndoneziya, Livan və Nigeriya.