Atalar Sözləri (3)

Ağır qazan gec qaynar.

***

Ağılsız dostdan ağıllı düşmən yaxşıdır.

***

Ağır otur, “ağa” desinlər.

***

Ağladan yanına get, güldürən yanına getmə.

***

Ağlam ölü üçün, ağla dəli üçün.

***

Ağlamakqla gülmək bacı-qardaşdı.

***

Ağlamayan uşağa süd verməzlər.

***

Ağlarsa anam ağlar, qalanı yalan ağlar.

***

Ağlayanın bir dərdi var, gülənin beş.

***

Ağlayışın bilməyən ölüsün murdarlayar.

***

Axar su murdarləq götürməz.

***

Axmaq it aya hürər.

***

Axsaq eşşəyin kor nalbəndi olar.

Hikmətli Sözlər (3)

• Milli qüsurlara görə millətə nifrət edən alçaqdır.

Y. V. Çəmənzəminli

***

• Amal uğrunda ölmək-əbədi yaşamaqdır.

Ş. M. Xiyabani

***

• Bir mərd ilə ağı yesən şirindir
• Yüz namərdlə şəkər yesən dad olmaz.

Aşıq Ələsgər

***

• Döyüş meydanında can versə insan
• Xoşdur, namərdliklə qoyub qaçmaqdan.

Sədi

***

• Ölümdən qorxmayan millətə ölüm yoxdur.

Ş.M.Xiyabani

***

• Vəfasız dost kölgə kimidir. İşıqlı gündə səni izləyər, buludlu gündə gözdən itər.

M. Beyləqani

***

• Çox gözəl olsa da eybi gizlətmək
• Dost dostun eybini örtməsin gərək.

Nizami

***

• Bacarsan hamının yükünü sən çək
• İnsana ən böyük şərəfdir əmək.
• Sən də əldən düşüb yorulsan əgər
• Sənin də yükünü bütün el çəkər.

Nizami

 

 

 

Atalar Sözləri (2)

Adamın adı çıxınca canı çıxsa yaxşıdır.

***

Adamın başına nə gəlsə dilindəndir.

***

Adət qanun deyil, amma qanun qədər hökmü var.

***

Adilin qəzəbındən qorxmaq gərək, zalımın sükutudan.

***

Ağ divara hansı rəng çəksən tutar.

***

Ağ evi görəndə qara evı yaddan çıxartma.

***

Ağ qoyun, qara qoyun keçid başında bəlli olar.

***

Ağ parçaya ləkə tez düşər.

***

Ağılları bazara çıxardıblar, hər kəs yenə öz ağlın tapıb.

***

Ağıllı arvad ara, ağılsız arvad vara qaçar.

***

Ağıllı bildiyini söyləməz, dəli söylədiyini bilməz.

***

Ağıllı düşmən nadan dostdan yaxşıdır.

***

Ağıllı düşməndən qorxma, dəli dostdan qorx.

***

Ağıllı gördüyünü, ağılsız eşitdiyini söylər.

***

Ağıllıynan çəkişmək cahilnan halva yeməkdən yaxşıdır.

Hikmətli Sözlər (2)

• Lazım olan bir sənəti axtar sən
• Veyil-veyil dolanmaq çox yamandır.
• Lazım olan bir sənəti tapdınmı
• Möhkəm yapış, əldən vermə, amandır.

Ə. Cami

***

• Hər millətin tərəqqisi və fəaliyyətinin başlıca amili elm və əxlaqdır.

A. Şaiq

***

• Müdrik şəxs vəzifəli adamlara möhtac olmaya bilər. Amma vəzifəli şəxslər müdrik adama möhtacdırlar.

M.Ş.Vazeh

***

• İnsan qılıncının kəskinliyi ilə qəhrəman ola bilməz, ağlın kəskin olması lazımdır.

M. S. Ordubadi

***

• Sözün də su kimi lətafəti var
• Hər sözü az desən daha xoş olar
• Bir inci saflığı varsa da suda
• Artıq içiləndə dərd verir su da.

Nizami

***

• Ədəb sayılsa da məclisdə susmaq
• Məsləhət zamanı danışmaq gərək
• İki şey ağıla nöqsan sayılır
•Yersiz susmaq ilə yersiz söz demək

Sədi

***

• Gil qabın möhkəmliyini səsi ilə yoxlayan kimi, insanı da ağzından çıxan söz ilə yoxlayırlar.

Əbül Fərəc

***

• Elə cinayət var ki, bağışlanmır, bu vətənə xəyanətdir.

Ə. H. Bəhmənyar

***

• Vətənin sevməyən insan olmaz
• Olsa, o şəxsdə vicdan olmaz.

A. Səhhət

***

• Bir yoxsul qürbətdə şah olsa əgər
• Hər axşam o vətən deyib ah çəkər.

Əssar Təbrizi

Atalar Sözləri

Abır istəsən çox demə, sağlıq istəsən çox yemə.

***

Ac toyuq yuxusunda darı qörər.

***

Aclıq sofiliyi pozar.

***

Aclıqda darı cörəyi halvadan sirin olar.

***

Aclıqdan kimsı ölməz, ölən toxluqdan ölər.

***

Aclıqdan quduranı saxlamaq olar, toxluqdan quduranı saxlamaq olamz.

***

Acını dadmayan sirini bilməz.

***

Adam adamdı olmasa da pulu, eşşək eşşəkdi olmasa çulu.

***

Adam aşını – işini bilməlidir.

***

Adam var – adamlarin naxşidi, adam var – eşşək ondan yaxşıdı.

***

Adam yanıla – yanıla öyrənir.

***

Adamı qılınc öldürməz, tənəli söz öldürər.

***

Adamı söz, kababı köz yandırar.

Hikmətli Sözlər

• Elə adamlar axtarın ki, onlarla söhbət yaxşı kitaba bərabər olsun. Elə kitablar da axtarın ki, mütaliəsi filosoflarla söhbətə dəysin.

Ə. H. Bəhmənyar

***

• Bədii əsərin ömrü onun xalq tərəfindən bəyənilməsindən asılıdır.

S. Vurğun

***

• Kişi bir sənəti bilər xalis
• Çoxuna meyl edən qalar naqis

Seyid Əzim

***

• Yaxşı kitab çox qiymətli xəzinədir.

H. Zərdabi

***

• Axmaqlarla oturub-durmaqdansa, kitabla tənha oturmaq yaxşıdır.

Q. Zakir

***

• Bilik öyrənməyi ar bilən hər kəs
• Dünyada mərifət qazana bilməz.

Nizami

***

• Bir elm öyrənmək istədikdə sən

• Çalış ki, hər şeyi kamil biləsən
• Kamil bir palançı olsa da insan
• Yaxşıdır yarımçıq papaqçılıqdan.

Nizami

***

• Dünyada nə qədər kitab var belə
• Çalışıb əlləşib gətirdim ələ
• Oxudum, oxudum, sonra da vardım
• Hər gizli xəznədən bir dürr çıxardım.

Nizami

***

• Elmi bələkdən qəbrədək öyrənmək lazımdır.

Sədi

***

• Oxuduğuna əməl etməyən alim məşəl gəzdirən kora bənzər.

Sədi

***

• Bu günü daha yaxşı görmək üçün keçmişi bilməliyik.

Ömər Xəyyam

***

• Yarat bir əsər ki, adın ucalsın
• Sən ölüb gedərkən yerində qalsın

Ə. Cami