Gündəliyim®

Gündəliyin Nəbzini Tut

Elnur Məcidlinin Bloqu

Posted by gundeliyim on 16 January 2011

Gündəliyim bloqunun yaradıcısı Elnur Məcidli bloq fəaliyyətinə öz şəxsi bloqunda davam edir.

Elnur Məcidlinin yazılarını oxumaq üçün aşağıdakı linkdən istifadə edin.

http://emajidli.wordpress.com/

Biz Edəcəyik, Tarix Yazacaq!

Posted in Azerbaijan, Azərbaycan, Elnur MAJIDLI, Elnur Məcidli, Gündəliyim | Tagged: , | Leave a Comment »

E’lan

Posted by gundeliyim on 23 November 2007

marsbanner.gif

Hörmətli Gündəliyim® Oxucuları

 

Saytımız artıq yeni domaində fəaliyyət göstərəcək. Hələ ki yeni saytda texniki təmir işləri gedir. Çox qısa bir zamanda aşağıdakı linkə tıqlayaraq yeni sayta daxil ola biləcəksiniz…

 

www.gundeliyim.com

 

Eyni zamanda yeni video-klip saytımız yayına başlamışdır. Hələlik ingilis dilində olan saytın yaxın zamanda azərbaycan diliylə yanaşı, rus, fransız və türk dilində də versiyası yayınlanacaqdır. Sayta daxil olmaq üçün :

 

www.marstube.com

 

Posted in Gündəliyim | Leave a Comment »

AN TV – Səyahət

Posted by gundeliyim on 22 October 2007

AN TV-də yeni başlayan səyahət verilişinin ilk sayında FASE Strasbourg koordinatorlarının Metzdə keçirdikləri görüşdən bəhs edildi.

Posted in AN TV, Elnur Məcidli, Video | 3 Comments »

Gündəliyimin oxucu tablosu

Posted by gundeliyim on 2 October 2007

 

Yuxarıdakı xəritədə Avqustun 24-dən etibarən saytımıza hansı ölkələrdən və nə qədər çoxluqda oxucuların girdiyi göstərilir.

Daha ətraflı məlumat üçün şəkilin üzərinə tıqlayın.

Posted in Gündəliyim | Leave a Comment »

Təhsil əks-təhsilə bərabərdir.

Posted by gundeliyim on 2 October 2007

Erkin Qədirli

Fikirlərimi ifadə etməzdən öncə Isaak Newton’nun xatirəsindənmi deyim, ruhundanmı deyim (özündən alınmayacaq) üzr istəmək istəyirəm ki, onun ‘təsir əks-təsirə bərabərdir’ düsturunu bir qədər kobud parafraz etdim. Mən ardıcıl olaraq təbiət qanunlarını cəmiyyətə şamil etmək cəhdlərinin ələyhinə çıxmışam. Odur ki, mövqeyimi dəyşidirmiş kimi görünmək istəməzdim. Belə bir başlıq seçməyimdə yanılmış ola bilərəm. Daha doğrusu, belə başlıq yanlış təssəvvürlər yarada bilər. Ona görə də, bu olmasın deyə, hamınızdan xahiş edirəm başliqdakı ifadəyə səbəb-nəticə əlaqəsi deyil, töhfə-məhsul əlaqəsi çərçivəsində yanaşın.

Təhsil bir sistemdir. Sistemin girişi və çıxışı olur. Çıxışında verdiyi məhsul keyfiyyətcə girişində aldığı töhfədən artıqdırsa, onda sistem faydalı sayılır. Onun faydalı iş əmsalı gözlənildiyindən aşağı ola bilər, amma hər halda məhsulu töhfəsindən çoxdursa, sistem faydalı sayıla bilər. Əks təqdirdə (yəni, məhsulu töhfəsindən azdırsa) sistem zərərlidir və ya ən azından faydasızdır. Zərərli olduqda sistem təhlükəlidir, sadəcə faydasız olduqda isə – lazımsız. Təhsil sistemi heç bir halda lazımsız ola bilmir, ona görə də o, ya faydalı olur, ya da zərərli. Təhsil sisteminin zərərli olması kimlərəsə lazım ola biləcəyi ehtimalını da nəzərdən qaçırmaq olmaz. Təhsil sistemi faydalı olduqda onun məhsulu, şərti götürsək, ziyalılar olur, zərərli olduqda isə – ziyanlılar.

Təhsil sistemdirsə əgər, onda onun əsas və törəmə məqsədləri olmalıdır. Indiyə qədər bizdə hesab edirlər ki, təhsil prosesi guya iki məcradan ibarətdir: təlim və tərbiyyə. Onların çıxışında, muvafiq olaraq, savad və ədəb (-ərkan) olmalıdır. Ikisi bir yerdə guya hər şeyin yerini bilən (savad) və özünü yaxşı aparan (ədəb) adamların yetişdirilməsinə xidmət etməlidir. Qəribədir, dilimizdə ‘özünü yaxşı aparan’ ifadəsi nədən vektorsuzdur? Özünü haraya yaxşı aparan? Yaxşı ki, hələ özünü aparan, başqasını deyil. Başı özünü aparmağa qarışmış adamın başqa ictimai yüklərin (vəzifələrin) daşımasını gözləməyə dəyərmi? Başı özünü aparmağa qarışmış adamın özündən başqa kimsəni düşünməsi nə dərəcədə mümkündür? Baş demişkən, nədən ‘özünü aparmaq’ kəlməsi – müsbət, ‘özbaşına’ kəlməsi isə mənfi mənalarda istifadə edilir? Məncə, aparılması vacib olan bir şey varsa, o da başdır. Bədən başa tabe olur, axı! Təhsil sistemimizdə isə bədən tərbiyyəsi dərsi var, amma baş tərbiyyəsinə əhəmiyyət verən yoxdur. Bəlkə elə ona görədir ki, bizdə daha çox bədən davranışlarına (geyim, duruş, oturuş və s.) nəzarət etməyə meyli çox güclüdür? Bəlkə məhz buna görə də cəmiyyətimizi daha çox narahat edənlər vicdanını satanlar (yaltaqlar, əclaflar) deyil, bədənini satanlardır (fayişələr, “mavilər”)?

Biz bədən tərbiyyəsi (idmanı demirəm) ilə məşğul olduğumuzdan düşüncələrimiz qalıb ‘özbaşına’. Ona gorə də çoxları hesab edir ki, ‘özbaşınalıq’ ‘özünü-aparmalıqdan’ pisdir. Ona görə də, muəllimin (yalnız məktəblərdə deyil, hətta universitətlərdə) şagirdə (tələbəyə) ən çox tutduğu iradlar (kontekstdən asılı olaraq) bunlardır: “duz otur!”, “qalx ayağa!”, “yerindən danışma!”, “çıx bayıra!”, “kəs səsini!”, və s. Ehh, məktəb bir yana, hətta parlamentin keçmiş sədri, vəzifədə olarkən, iclasda deputatların birinə “yerindən danışma” demişdi. Deyirəm də – bədən tərbiyyəsi.

Mən uşaqlığımda (sovet illəri idi) yay tətillərimi Hacıkənd’də (Gəncənin yaxınlığında; 20-30 dəqiqəlik yoldu) keçirərdim (nənəmin anasının evində). Hacıkənd’də çoxlu pioner düşərgələri var idi (rus və azerbaycan bölmələri). Ətrafda hər yerdə uşaqların, tərbiyyəçilərin, şeypurun və zərb alətlərinin səsi gəlirdi. O vaxtlar mənə çox qəribə gəlirdi, nədən rus bölməsinin uşaqlarını səhər oyadanda “Vstavay, vstavay, posteli ubiray!” mahnısını oxuyardılar, azerbaycan bölməsinin uşaqlarını səhər oyadanda isə – “Pendir-çörək, şirin çay, gecikənə yoxdur pay!” mahnısını? Fərqi duyursunuz? Rus bölməsinin uşaqlarına öhdəlik öyrədilirdi (baş tərbiyyəsi) – səhər yataqdan qalxan kimi, yatdığın yeri səliqə-səhmana sal, sonra yataq otağını tərk et. Azərbaycan bölməsinin uşaqlarına isə, yerindən qalxan kimi, yemək haqqında düşünmək, yeməyə başqalarından tez çatmaq öyrədilirdi (bədən tərbiyyəsi). Hər halda mahnılardan gələn əsas alt-şüur mesajı məhz belə olduğuna əmin ola bilərsiniz. Mesaj çox vaxt mənadan daha vacib olur və daha tez yaddaşda qalır.

 

Posted in Erkin Qədirli, Yazar | 6 Comments »

Bakının tıxacları

Posted by gundeliyim on 28 September 2007

Posted in Azərbaycan, Video | Leave a Comment »

Yadplanetlilərin sirri açılacaqmı?

Posted by gundeliyim on 24 September 2007

Əziz Mustafa

Son yüz ildə Yer kürəsində müşahidə edilən uçan naməlum obyektlərin (UNO) sayının artması çoxlu müxtəlif ehtimalların ortaya çıxmasına səbəb olub. Alimlərin əksəriyyətinin fikrincə, UNO-ların yerdə diqqətlərini cəlb edən hansısa bir sirr var. Bu sirrin müəyyən edilməsi üçün tədqiqatçılar hazırda daha çox qədim mənbələrə müraciət edirlər. Çünki qədim yazılı mənbələrdə UNO-ların müntəzəm Yer kürəsinə uçuşlar etmələri və odsaçan disklərin qəribə sakinləri barədə xeyli məlumatlar var. Məsələn, qədim hind yazılı abidələrdən olan “Veda” və “Puranax”da yerdəki insanlara oxşamayan qəribə məxluqların “Viman” adlanan “uçan nəlbəki”lərdə tez-tez indiki Hindistanın müxtəlif ərazilərinə endikləri qeyd edilib. Hər iki abidədə təsvir olunana görə, yadplanetlilərin gəmisi hazırda kosmosa göndərilənlərə çox oxşayır. Ancaq təsvir edilən alovsaçan gəmilər, indikilərdən fərqli olaraq, istənilən vaxt, bir an içərisində, havada əriyərək ağ tüstüyə çevrilə biliblər. Yadplanetlilərin insanlarla hər hansı bir əlaqəyə girməməsi isə qədim hind yazılı mənbələrində onların öz sirlərini açmaq istəməmələri ilə əlaqələndirilir. Yazılı mənbələrə istinadən demək olar ki, qədim hind alimləri kosmos haqqında geniş məlumata malik olublar. Onlar hesab etmişlər ki, başqa planetdən yerə gələnlər burada özlərinin yaşaması üçün lazım olan hansısa elementi və ya həyat eliksiri əldə edərək geri qayıdırlar. Nə qədər qəribə olsa da, qədim hind alimlərinin təximinən 3-4 min il bundan əvvəl söylədikləri ilə günümüzdəki tədqiqatçıların dedikləri çox vaxt üst-üstə düşür.

Qədim yazılı abidələr və Blomberqin söylədikləri

Kosmosun tədqiqi üzrə tanınmış amerikalı alim Corc Blomberq bu yaxınlarda demişdir: “Mən heç vaxt yerdənkənar sivilizasiyaların olmaması barədə deyilən fikirlərlə razılaşmamışam. Yerdənkənar sivilizasiyaların olmasını inkar edənləri mən ancaq orta əsrlərdə Avropa, Afrika və Asiyadan başqa, digər qitələrin olmasını inkar edənlərlə müqayisə edərdim. Hazırda kosmosda bizə bənzər və ya bizdən fərqli yüksək inkişaf etmiş şüurlu varlıq axtarmağımız Kolumbun sonu bilinməyən okean sularında quru yer axtarmasına bənzəyir. Kolumb istədiyinə nail olduğu kimi, biz də məqsədimizə çatacağıq. Amma nə vaxt? Bu suala cavab, mənə elə gəlir ki, lap qəfil, gözlənilmədən veriləcək”. Blomberqin fikrincə, Yer kürəsinin özündə belə, bizə məlum olmayan paralel sivilizasiya mövcuddur və onlar başqa bir zaman ölçüsündə yaşadıqları üçün biz həmin varlıqları görə, hiss edə bilmirik. Çox qəribədir ki, “Veda” və “Puranax”da da buna oxşar fikirlər vardır. Bu qədim yazılı abidələrdə həmçinin, Yerin yumurtaya bənzədiyi qeyd edilib və kosmosun insan yaşaması üçün lazımi şəraitə malik 14 planetdən ibarət olması barədə fikirlər öz əksini tapıb. Qədim hind alimlərinin fikrincə, həmin 14 planetdən yeddisində həyat ən yüksək səviyyədə inkişaf edib. Yeddisində isə həyat orta və aşağı səviyyələrdədir. Yer yüksək inkişafa nail olan planetlərlə az inkişaf edənlər arasında orta mövqedədir. “Veda” və “Puranax”da ən yüksək inkişaf səviyyəsinə nail olan planet “Satyaloka” adlandırılır. Bildirildiyinə görə, onlarda həyat ideal şəkildə qurulub. “Maxarloka” adlanan digər planetdə isə inkişaf səviyyəsi Satyalokadan aşağıdır. Amma onlar da bizim təsəvvür edə bilmədiyimiz səviyyədə inkişaf ediblər. Belə ki, “Veda”da həmin planetdə yaşayanların istənilən an formalarını dəyişə bilmələrindən və onların bədənlərini ustalıqla idarə etmələrindən bəhs edilib.
Məsələnin bu tərəfinə diqqəti cəlb edən Blomberq çoxları üçün gözlənilməz olan qəribə bir ehtimal irəli sürüb. O deyib ki, bizim bioloqlarımız və tibb alimlərimiz insanın daxilində onun formasını dəyişməyə və bir formadan digərinə keçməyə imkan verən geni tapmalıdırlar. Yalnız bu halda digər kosmik canlılarla əlaqə yaratmaq asanlaşacaq. Blomberq eyni zamanda UNO-ların bizə məlum olmayan paralel sivilizasiyalardan gələ bildiyini də istisna etməyib. O, UNO-ların bir formadan digər formaya keçə bilmələrini, istənilən an havada buxarlanmalarını məhz bir zaman ölçüsündən digər zaman ölçüsünə keçmənin sirrini bilmələri və bədənlərini idarə etməyi bacarmaları ilə əlaqələndirir.

Stounun maraqlı açıqlamaları
Maraq doğuran digər bir açıqlama ilə ingilis tədqiqatçısı Robert Stoun çıxış edib. O, uzun axtarışlardan sonra bu nəticəyə gəlib ki, bəşəriyyət yeni elmi kəşflərin bir addımlığındadır. Onun fikrincə, yaxın vaxtlarda ən uzaq planetlərə uçub getməyə imkan verən yeni kosmik gəmi hazırlanacaq. Alim bu gəminin məhz kosmosdan gələnlərin gəmisinə bənzəyə biləcəyini də istisna etməyib. Stoun belə hesab edir ki, günümüzdə sürətli elmi-texniki inkişaf yaxın zamanlarda kosmosa gedən yolun qapılarını üzümüzə açmağa və planetlərarası səyahətə çıxmağa imkan verəcək. O, vaxtilə bəzi planetlərdə həyatın olmasını və sonradan onların hansısa səbəblərdən məhv olduğunu iddia edir. Alimin fikrincə, vaxtilə Mars və Venerada yerdəkinə bənzər həyat olub və ancaq elmi-texniki inkişaf həmin planetlərdə həyatı məhv edib. O, belə hesab edir ki, başqa planetlərdən gələnlər Yerin təbii inkişafına mane olmaq istəmir və sadəcə olaraq, planetimizdə baş verənləri nəzarət altında saxlamaqla kifayətlənirlər. Stoun Yerdə vaxtilə uzaq planetlərə uçub getməyi bacaran sivilizasiyanın olduğunu da istisna etmədiyini söyləyir. O, qədim yazılı mənbələrin hamısında insanların bir planetdən digərinə uçub getməsini təsdiqləyən faktların olduğuna da diqqəti cəlb edib. Stoun: “Onu da deyim ki, qədim insanların kosmos haqqında bizi heyrətləndirən məlumatlara və təsəvvürlərə malik olmasını təsadüfi hesab etmək olmaz. Bu biliklərin hamısı yüksək sivilizasiyaların mövcud olmasının nəticəsidir. Amma bu sivilizasiyaların müəmmalı şəkildə məhvi də təsadüfi olmayıb. Mənə elə gəlir ki, Yer kürəsi sivilizasiyası vaxtilə kosmos üçün vacib sayılan hansısa prinsiplərdən kənara çıxıb və ona görə də onlar digər planetlərdən gələnlər tərəfindən cəzalandırılıblar. Biz bu gün qədim sivilizasiyaların əldə etdiyi yüksək inkişafı təkrarlamağa yaxınıq. Amma bu sivilizasiya nisbətən fərqli olacaq və istəsə də, istəməsə də kosmik qanunlara tabe olmalı olacaq.”
Həm Blomberq, həm də Stoun digər planetlərdən gələnlərin Yerin bizə məlum olmayan hansısa sirrindən istifadə etdikləri qənaətindədirlər. Hər iki alimin fikrincə, ola bilsin ki, hazırda yerdəki canlıların bir qismindən hansısa planetin məskunlaşdırılması üçün istifadə edilir. Onu da deyək ki, UNO-larla bağlı baş verən hadisələri tədqiq edən alimlərin hamısı yerə bir neçə planetdən kosmik gəmilərin gəldiyi qənaətindədirlər. Belə bir fikir də vurğulanır ki, kosmosdan gələnlər o vaxt insanlarla əlaqəyə girəcəklər ki, yerdəkilər nəinki yüksək inkişaf səviyyəsinə çatsınlar, həm də mənəvi cəhətdən kamil insanlara çevrilsinlər. Beləliklə, bu gün insan oğlu yeni bir inkişaf mərhələsinin astanasında dayanıb və ola bilsin ki, indi bizə fantastika kimi görünən şeylər sabah reallığa çevrilsin. Əgər bu gün insan oğlu min kilometrlər uzaqlarda baş verən hadisələri canlı şəkildə televizordan izləyə bilirsə, onda nə üçün bizim istənilən saatda digər planetlərə uça bilməyimiz mümkün olmasın?

 

Posted in Gündəliyim, Məqalə | Leave a Comment »

Küçələrə su səpmişəm

Posted by gundeliyim on 23 September 2007

Küçələrə su səpmişəm
Yar gələndə toz olmasın
Elə gəlsin, elə getsin
Aralıqda söz olmasın…

Posted in Mahnı, Video | Leave a Comment »

Mən bir yağış istəyirəm

Posted by gundeliyim on 23 September 2007

Orxan Quliyev

Mən bir yağış istəyirəm
Yusun bizim kuçəmizi
Yağsın bizim beynimizə
Təmizləsin üfunətli çölümüzü
İrin tutmuş içimizi…….
Mən razıyam,yağış yusun hamımızdan yarımızı
Övladına kimliyini öyrətməyən atamızı, anamızı….
Mən bir yağış istəyirəm
Yuyaq onda əlimizi, üzümüzü
Yuyunaraq tanımayaq özümüzü
Yeni doğulmuşuq kimi bu dünyaya
tekrar açaq, təmiz açaq gözümüzü!!
İstəyirəm təmizləyək içimizi zibillərdən,
Yeni doğan arzuları qaranlığa,dibə dartan
biləyindən kəsiləsi o əllərdən!!!!!!!
İstəyirəm son qoyaq biz çəkişməyə, şübhələrə,
Təmizləyək içimizi,TÜPÜRMƏYƏK KÜÇƏLƏRƏ!
Qoy çoxalsın bu ölkədə çayxana yox,
Kitabxana!
Zubaçistka çeynəməkdən bir şey çıxmaz,
Oxuyaraq uyğunlaşaq bu zamana!!!
Hər bir yeni arzu üçün, umid üçün,
həyat üçün çiyin-çiynə sıralanaq
Dostçun, ölüm qorxusuyla savaşlardan
çəkinmədən yaralanaq…..
bax nə gözəl……….
Bu gün bu cür umid doğur,sabah əməl!
Arzularım yaman çoxdur insanıma,
vərəqim az
Sən də götür bir ağ vərəq, heç olmasa
arzuları oraya yaz………
Çox istəyək Tanrımızdan,verər bir gün.
Gəl istəyək sənin üçün,
Gəl istəyək yanındaki dostun üçün……
Göydə Tanrı, yerdə insan
-mən arzumu artıq sizə söyləmişəm
(indi isə gözləyirəm)
Mən bir yağış istəyirəm……….
Mən bir yağış istəyirəm……….

Posted in Lirika, Şe'r | 26 Comments »

Sevirəm səni…

Posted by gundeliyim on 23 September 2007

Balaca müğənni :)

 

Posted in Mahnı, Video | Leave a Comment »

 
Follow

Get every new post delivered to your Inbox.